Smá ljós

Það staðfestir enn frekar óspennanleika færslunnar hér á undan að það dettur engum neitt í hug til að kommenta  

Ég fór sem sagt í dag og skoðaði frystikistu!! Fann voða fína 110 l kistu á fínu verði. Ég er sko geðveikt spennt að verða frystikistueigandi... hef aldrei átt svoleiðis. Næsta skref verður svo að fara að taka slátur og kaupa svið... eða ekki! En ég ætla að fara á morgun og festa kaup á gripnum, vona bara að hún verði ennþá til þar sem það var bara eitt eintak eftir en ég komst ekki til að kaupa hana í dag. Þannig að allir þeir sem ætla að koma í heimsókn geta átt von á því að ég muni eiga klaka í viskíið og heimalagaðan ís  

Eftir vinnu fórum ég og Bartal á kaffihús og fengum okkur að borða. Það var nú frábært að fara eitthvað annað en í vinnuna og heim. Hittum einhverja konu sem Bartal þekkti og hún sagði alveg magnaða setningu þegar hún sá að við vorum að reykja: "Drekkið ykkur frekar í hel en að vera að þessum helvítis reykingum!" Hehehe aldrei að vita nema maður taki hana bara á orðinu... skipti sígarettunum út fyrir viskíið 

Svo var ákveðið í reglubók Hugrúnar að það mætti horfa á sjónvarpið í kvöld þar sem ég var svo dugleg að vinna um helgina... sendi kannski bara nokkra tölvupósta og læt það gott heita. Jæja ætla að fara undir teppið!!

Athugasemdir

[Elín (IP-tala skráð) 18.9.2006 kl. 22:33]

Jæja Hugrún, "tilvonandifrystikistueigandi"..hehe..það verður nú spennó hjá þér að taka slátur, döö.. líst samt betur á klakana útí viskíið..hikst..

[Jóna Bryndís (IP-tala skráð) 20.9.2006 kl. 08:56]

Ég ætlaði að skrifa eitthvað voða sniðugt hér í gær um frystikistur, heimalagaðan ís og sviðakjamma - en nú er andinn floginn. Gengur bara betur næst ! Vonum bara að athugasemdasystemið verði ekki bilað næst þegar andinn heimsækir mig....;o)

[Hugrún , 20.9.2006 kl. 11:40]

Já við skulum bara vona það. Þú ert alltaf svo sniðug í kommentunum :O)